PAYLAŞ
Sadece İndirimli Ürünler
Yayınevleri
Yazarlar
Sepetiniz Güncelleniyor...
VİDEO REKLAM
%25
Kumsor
Stok Durumu: 50
Ürün Fiyatı: 20.00
Kampanya Fiyatı: 15.00

"Min tu deman, ji kesekî re negotiye tu ji bo çi bi wê nasnameya xwe hatiyî dinyayê. Tu demê pirsa nasnameya wî/ê nekiriye. Ji nasnameya wî/ê neqehirîme. Ji bo ku xwedî wê nasnameyê ye; tu carî ez nefikirîme ku ez zilmê lê bikim an jî min zilm lê kiriye. Ez jî, bi nasnameya xwe ya Kurd hatim dinyayê. Ji bo jiyaneke Kurdewarî heta ji destên min hatiye min li ber xwe daye. Û ez dixwazim wekî Kurdekî azad jî bimirim.

Nasnameya Kurd û ya karkeriyê rastiya min e. Jiyana min, bi nasnameyên ku bi min re hatine dinyayê bi aştiyane derbas bûye. Tu carî û li tu derê min pişta xwe nedaye wan. Heta ji destên min hatiye min mudafa kiriye. Ez vêya wekî divêtiya hebûna mirov dibînim. Heke tevgera min ne wilo bûya, minê ji çawaniya mirovbûna xwe û rûmeta xwe şik bigirta. Û bi min, dema ku tevgera min ne wilo bûya jî, divê her kesî ji min şik bigirta.

Heta ji destê min hat min xwest ku ez heqîqeta çîrokê bikim bingeha vê romanê. Şahid, gunehkar û tawanbarê vê çîrokê niha jî sax in û di nav me de dijîn. Ên bi xislet serekeyê vê romanê ye û bi navê Eliyê pasteker tê îfadekirin, di binçavabûn xwe ya nêzikî sed û bîst rojan de bi temamê îşkenceyên di romanê de hatine nivîsandin re rû bi rû bûye. Heqîqeteke din jî heye, di wê demê pê de xwestine bi rûmeta wî jî bilîzin. Nêzikatiya wan wisa bûye. Ji bo honandin û çîrok lihev bike, bi taybetî mubalaxa nehatiye kirin. Dibe ku ferdê malbatê ji bo zinanê honandinê biqehirin, xemgîn bibin. Lê belê, ez dixwazim vêya ji wan re bibêjim. Eynî tişt hatiye serê bi hezaran mirovên Kurd û Kurdistanî.

Zimanê honandinê yê beşa êşandinê, ne gunehê yê lê rasthatî ye û yê ji bo nîşa dîrokê nivîsandî ye. Bêrûmetî ya îşkencekêran e û yê zimanê êşandinê xebitandiye. Ez hêvî dikim ku malbat jî di wê çarçoveyê de lê binihêre. Temamê hewla min bi tenê ev e ku ez, «Ekla şorba feqîra bidim vê romanê.»

Ez dixwazim niha bibim ewrekî şipîşîn ê ku digihîje her derê. Û li hinda xwendeyên vê romanê bim. Bi wan re qisedanê bikim. Dema ku ew xemgîn bûn, ez jî bi wan re xemgîn bibim. Dema ku fikirîn bi wan re bifikirim. Dema ku kirin niçeniç, bi wan re bikim niçeniç. Dema ku bigirîn bi wan re bigirîm. Dema ku bi êş keniyan, bi wan re bikenim. Bi puxteyî, ji bo em bibin yek. Tiştê ku min di dema nivîsandinê de hîs kiriye, vê carê bi gelek mirovan re hîs bikim. Bi kurtayî em bibin yek.

 

Bi qeysî dilopek av ket

Malzaroka dayîkê.

Roj hat li bendavên janan,

Roj hat li gopîtkên çiyayan,

Geriyan…

Roj hat bûn mezeyên sifreya serxweşan.

Û roj hat hatin şewitandin,

Di nav dû de firiyan,

Ber bi rûyê asîmanê;

Li asoya çavên dayîkên, zarokên ku

wan di ewran de digeriyan." (Mihdî PERÎNÇEK)

Mihdî Perînçek, di sala 1957’an de li bajarê Mêrdînê, bajarçeya Dêrikê hatiye dinyayê. Di sala 1975’an de li Mêrdînê lîse xelas kiriye. Di sala 1993’yan de li Îzmîrê Zanîngeha Egeyê xelas kiriye. 25 salan li saziyên kamûyê xebat kiriye û di sala 2001’an de teqawîd bûye. Ji sala 1975’an vir de li komele û saziyên sivîl ên pîşeyî, sendîka û Komeleya Mafên Mirovan, di partiyên û rêxistinên siyasî yên Kurdî de têkoşîna xwe ya mafan û demokrasiyê meşandiye. Di gelek rojname û kovarên Kurdî û Tirkî de gotar û lêkolînên wî hatine weşandin. Bi nasnavê “Dara Daristan” di rojnameya Azadiya Welat de nivîs nivîsîne. Di gelek konferansên navnetewî de gotar pêşkêş kirine. Perînçek bavê 3 zarokan e û li Amedê dijî.

Berhemdarî:

* İz (Bîranîn) Weşanên Lîs, 2015 - Amed

* Kumsor (Roman) – Weşanên J&J, 2017 – Amed

Copyright © 2016-2017 Ajans J&J. Tüm Hakları Saklıdır. Pelin v1.3 & Cihansoft