PAYLAŞ
Sadece İndirimli Ürünler
Yayınevleri
Yazarlar
Sepetiniz Güncelleniyor...
VİDEO REKLAM
HAWAR [Hemû Hejmar]
Stok Durumu: 15
Ürün Fiyatı: 70.00
“Hawar zarokeke nûza ye, zarowa me ye; zarowa kurdan e. Wek her zaro bi xweytiya
dê û bav, bira û pismamên xwe dikare bijît. Her kurd dikare arîkariya Hawarê
bike. Tu kes mebêje ko, ez mirovekî reben û nekêrhatî me. Ji min ji diayê pêve tiştek
nayê. Belê tu kes vê xeberê mebêje, her kes bi tiştekî, bi awakî dikare bê hawara
Hawarê…”
Mîr Celadet Alî Bedirxan
Hawar, hejmara pêşîn, rûpelê pêşîn,15 ê gulana 1932
 
Bi pêşgotina nivîskar û lêkolîner Konê Reş 
HAWAR ji nû ve çap bû... 
 
PÊŞEK
“Zanînên herî baş û pak û biqîmet zanînên ser kaxid in.”
Serdema ku em tê de dijîn wekî ‘Serdema Zanist û Teknolojî’yê tê binavkirin.
Di qada teknîkî û zanistê de gelek pêşketin çêbûne û zanîn û zanyarî
gihîştiye ber destê her kesên ku bixwazin bi dest bixin. Bi rêya internetê
tora ragihandina zanînan ketiye hemû malan. Di derveyê îstîsnayan de cî
û warên ku tora ragihandinê negihîştibê nemaye. Ev jî zanînê erzan dike
û zanîn bi qasî serê pêçiyên destê mirov nêzî mirov bûye. Lê rastiyek jî
heye; hemû tiştên ku di ser rêya tora ragihandinê re tên tev ne zelal in, tev
ne rast in û tev ne pak û pêkan in. Ji ber ku zanînên tora ragihandinê ji
hêla her kesî/ê ve dikare bê guhertin, bê zêdekirin û bê kêmkirin. Hemû
kes dikarin bi riya tora ragihandinê “rastiya xwe” pêşkêşî her kesî/ê bikin.
Helbet rastiya her kesî/ê heye. Ango ‘rastî guherbar e.’ Lê rastiya giştî jî heye
ku ev jî ji aliyê zanyariyê ve tê diyarkirin û civak jî dipejirîne. Ji ber wê jî
hê jî ‘rastiyeke derbasdar’ heye ku ew jî “rastiya nivîsê ya ku li ser kaxid
hatiye nivîsîn” e.
Bi awayeke giştî mirov dikare bibêje ku ‘rastî’ di nava ‘rastiyên xwe’yî de her
diçe wenda dibe û ev jî gengeşiyekê dertîne holê.
Nivîsa ser kaxid nivîsa sefandî û parzûnkirî ye. Ew ê nivîsê bi dirustî û bi rastî
dikare rastiyan ji mirov re vebêje.
Me jî li ser vê rastiyê berê xwe da “rastiyên parzûnkirî” û me got “zanînên
herî baş û pak û biqîmet zanînên ku li ser kaxid in.” Û me berê xwe da
zanyariyê. Me got; “zanînên ku di nava rûpelên qirêjî yên dîrokê de veşarî
mane, em wan ji nava tariya reşaşî derînin û pêşkêşî xwendevanan bikin.”
Wekî WEŞANÊN J&J; me heyîn û hebûna xwe li ser vê yekê diyar kir û me
got; ‘Em ê ji jêderên rastiyên parzûnkirî bi rê bikevin û dakevin jêwerên
qada jibîrvekirinê.’
Û me got; ‘ziman’ û me got ‘ferheng’ û me got ‘zargotin’ û me got “perwerde”
û me got “pelgîdank”...
Rastiyên zimanzaniyê, rastiyên ferhengzaniyê, rastiyên perwerdeyê rastiyên
gel yên ku dibin amûrên perwerde û hîndekariya ziman rastiyên parzûnkirî
ne û giş hatine tesdîqkirin.
Li ser vê rastiyê me jî wekî Weşanên J&Jyê xwest ku em berhemeke ku ji ji
dîroka me ya nêz, berhema ku mora xwe li destpêka nivîsbariya Kurdî ya
nûjen xistiye biweşînin da ku her kes jê sûd wergire. Ji bo wê me jî got em
ji nû ve dîsa “KOVARA HAWAR [1932-1943] - Hemû Hejmar” çap bikin
da ku dîroka nivîsbariya Kurdî/Latînî ya nûjen pêşkêşî xwendevanan bikin...
Em wekî WEŞANÊN J&Jyê bi vê berhema giranbuha û pîroz dertên pêşberî
xwendevanan û em dibêjin; “Em ê xebatên xwe yên bi vî rengî her bidomînin...”
Bi hêviya ku sûdewer be...
01. 01. 2018 - J&J
Copyright © 2016-2017 Ajans J&J. Tüm Hakları Saklıdır. Pelin v1.3 & Cihansoft